Hjákarlinn er farinn - hann fór í 80's hljómsveit

Hjákarlinn í tjörninni er horfinn. En ekki gráta grautarhausarnir ykkar. Hjákarlinn lifir í hjörtum okkar og étur þau að innan, hágæða hákarl. Það er ekki eins og hann hafi sökkið eða verið stolið eða eitthvað svona glatað. Nei! Hann lullaði sér til NY. Hér má sjá hjákarlinn í ánni sem rennur í gegnum New York:

mynd: Helgi Jóhann Hauksson

OG AF HVERJU HAFA ENGIR BLAÐAMENN FJALLAÐ UM ÞENNAN HÁKARL? Mér er spurn? (ha? af hverju er spurningarmerki á eftir "mér er spurn?"?) Jú af því að hann var ekki með neitt í vösunum. Fair enough. Og hvað ættu blaðamenn svo sem að skrifa um þennan hákarl? Ekkert! Já, það er rétt. Það er frábært framtak hjá fjölmiðlum að sýna þessum ljóta hákarli enga athygli.

Hákarlar hafa heila sem hefur ekki þróast síðan á tímum risaeðlanna, þeir eru algjörir aular, femínistar, vinstri róttæklingar; einfaldir og útópískir.

 Hvað ætli þessir mávar séu með í vösunum?

Miðbæjarrottan (24 ára) og Litli Frændi (8 ára)

Litli Frændi: Veistu ég fór ekki að sofa fyrr en klukkan 12 í gærkvöldi!
Miðbæjarrrottan: So? Það er ekki neitt, ég fór ekki að sofa fyrr en klukkan níu í morgun. Þegar maður er sko fullorðinn má maður vaka eins lengi og maður vill. Og veistu, í kvöldmatinn hjá mér í gær bara Homeblest og kók. Hvað fékkst þú?
Litli Frændi: Mamma var með kjötbollur...
Miðbæjarrottan: Hé! kjötbollur. Oj! Þú ert svo mikið NÖRD!

Jæja, best að fara eftir viku til Kaliforníu að búa með bassaleikaranum í þessari hljómsveit. Við verðum töff, með alveg eins hár.

Mitt álit á Tetris

Við fæðumst ein.
„Það er stelpa!“.
Stelpu-tetris kubbar eru frekar þægilegir. Hægt er að snúa þeim á fjóra vegu eins og öllum öðrum tetriskubbum.

Stelpuskjáta,

kelling,

móðir

og gyðja.

Við deyjum ein,
„hún er að fara!“
Fyrst og síðast erum við ein.
Þess á milli erum við ein í Tetrisi með öðrum.  

Ég mér tetris-ins tól
tem í lífsins skól
mér gengur ill
ég geri vill

Bogi Ágústs með sigurvegarann í beinni! (niður með einkadans, upp með Hermann Stefánsson!)

Lovísa Laufdal gat rétt! Þér eruð ótrúlegar! Nú munu allir öfunda þig!

Hermann Stefánsson var töffarinn sem stúlkurnar gleymdu í frygð sinni og hömluleysi. Og rétta svarið fær eilífðaráskrift af Reykvísku Eðalefni ásamt fullt af dóti sem ég hef verið að finna úti að undanförnu. Hermann fær því RE afhent núna. Til hamingju Hermann! Bogi Ágústs er á kantinum með þetta í beinni!

Take it away Bogi:

Einkadansinn líður undir lok

enn FRÁBÆRARA FRAMTAK hér hjá mér!

Okay - hér kemur frábært einstaklingsframtak, sem er þessi gáta!

 

Hvaða töffara gleyma stúlkurnar að minnast á?
Rétt svar = verðlaun.

Vísbending: Hann er EKKI frá Finnlandi.

Búið er að nefna: Þröst Helgason, Ármann Jakobsson, Gosa, Satan, Natan og Snata.

Koooooma svo moggamúgur!

Pamela Anderson ætlar að opna súlustaðakeðjuna „Lapland“

Gáta! Verðlaun í boði!

 

Hvaða töffara gleyma stúlkurnar að minnast á?
Rétt svar = verðlaun.
Hmm.. já. Okay rétta svarið er samt ekki Ármann Jakobs. Látið á reyna!

Stúlkur. Svo er annað í þessu. Ég er til í slaginn. Verðum í bandi.

Tilkynning til almúga Íslands sem er nú hokinn í hrídarbyl med gamalt Nóa-Kropp sídan um sídustu helgi í munnvikunum ad farast úr ofundsýki vegna eilífrar og óumdeilanlegrar fegurdar minnar.

 Fegurðarsamkeppnin „Fegurð Lanzarote“ átti sér stað í gær og ég hef aldrei séð neitt jafn skemmtilegt. Stúlkurnar voru allar svo fallegar og hæfileikaríkar. Ég fór með ljóðið mitt og allir skyldu það ótrúlega vel og voru alveg sammála mér. Við stelpurnar erum allar góðar vinkonur og þetta er alveg frábært kompaní. Mér finnst ég svo heppin að hafa látið slag standa og ekki stoppað alla þá sem ólmir skráðu mig í þessa keppni á meðan ég var bara heima, hógvær og hrein, og vissi ekki neitt!!!
„Ka e ah gjérast?“
Spurði ég bara þegar allir voru að koma og segja mér að ég væri að fara að taka þátt í fegurðarsamkeppni!
„Ah! Ég?“
Ég vissi ekki að ég væri eitthvað falleg! Ég er bara svo hóvær mey og hrein og fróm í kvenleika mínum, bíðandi eftir prinsinum á hvíta hestinum híhí. Verst hvað það er erfitt að fá hvíta hesta nú til dags! Hahah! Nei djók! Híhí! Góður þessi! En... vitiði hvað? Við vorum látnar ganga um og gera eitthvað svona hæfileikaríkt og ÉG VANN!!!! Ó mæ, ég var svo ÓGEÐSLEGA HISSA! Ég fattaði ekki að það væri verið að segja nafnið mitt af því að allar hinar stelpurnar voru, að mér fannst þangað til núna, svo miklu fallegri en ég! Það tók mig alveg klukkutíma að fatta að það væri verið að kalla upp nafnið mitt! Ljóska! Híhí! Já, og það frá móðir náttúru! Haha, algjör!

Ég vann:

- BIKAR!
- Blómakransa. Ég er samt ekki dáin. Hí hí. NEI, GRÍN!! Haha..iiiiii ein ógeðsleg! Úps! ;) bara djókur!
- 9 Þjófalykla eftir Hermann Stefánsson. Pabbi elskar hann, held að þeir þekkist. Hann var með pabba í Víetnam... æ sorglegt RIP NAM, minnir mig á 911 :´( RIP 911. Bókin er um reynslu pabba og Hermanns í stríðinu. Oh, hata stríð. Stríð :´(
- Blævæng. Sem brotnaði reyndar strax :´( RIP .

Síðan þegar ég var búin að vinna allar hinar stelpurnar þá spruttu fram ljósmyndarar eins og lúpínur og tóku myndir af mér með verðlaunin.

Ungfrú Lanzarote 2007!!!!!!!

Og einnig.... Ungfrú hafgúa hreinsilogur 2007!!!

Jæja. Nú hefur líf mitt svo sannarlega breyst. Ótrúleg tækifæri hafa borist mér og ég get kannski farið og hjálpað FÁTÆKU FÓLKI sem fær ekkert að borða. Úff fátækt fólk RIP :´(. Pabbi og Hermann Stefáns sáu svoleiðis í the Nam. Úff :´(. Varúð skal höfð í nærveru sálar, RIP, love, pís :’(
Oh, svo gaman ad vera svona falleg. En vid skulum ekki gleyma : pain is beautiful.

--------------------------------
EKKI LESA SMÁA LETRIÐ!

„Fegurð Lanzarote“ var ekki fegurðarsamkeppni heldur rútuferð um norður Lanzarote þar sem hellar, blóm og strendur voru skoðaðar.
Hvad eiga Napóelon
Búkassa (gaurinn í Afríku sem geymdi óvini sína í frysti og át til hátídabrigda)
og Ásdís Rán módel Íslands sameiginlegt?

Jú thau krýndu sig oll sjálf.

Ég laet ekki segja mér hver sé fallegastur, frekar en ljótastur. Ég krýni mig bara sjálf theim titlum sem mér sýnist. Og hana nú!

Brisso's World Records 2007

Heimsmetablogg - Hið eina og sanna heimsmetablogg!

12. ágúst 2005 setti Rodolfo Reyes (Þýskalandi) tíu broskalla í röð inn á blogg sitt í Flensborg, Þýskalandi.  - Aldrei hefur eitt blogg verið jafn ánægjulegt! 

Alaine Bidart (Frakklandi) hefur lesið upphátt símaskrá Frakklands í viku hverri síðan hún gerðist vitavörður í Leon árið 2002. Segir Alaine símaskrána vera æsispennandi lesningu þó flókið sé að halda utan um allar þær persónur sem kynntar séu til sögunnar.

Aleine Bidart við lestur. Hún er svoddan freðýsa.

 

Stephen Hyland (Bandaríkjunum) hefur alls 54 sinnum unnið verðlaun alþjóðasamtaka um fjölmenningu og umburðarlyndi fyrir að vera yfirburða "Political Correct" maður. 

 Stephen Hyland á góðri stundu. Hann er sjálf-kynhneigður.

 

Íslendingurinn Magnús Hrólfsson (Ísalandið fagra og fróma - best í heimi) var á hvolfi allt sitt líf, en hann dó 84 ára að aldri árið 1982. Magnús var þjakaður af "hvolfu", afleiðinga þessa að fæðast á hvolfi. Þolgæði hans og styrkur voru öðrum fötluðum til fyrirmyndar á erfiðum tímum kreppu og tveggja heimstyrjalda. Magnús hagaði lífi sínu eins og hin heilbrigði réttsnúandi maður að mestu en hann átti þó alltaf erfitt með gang og flæktist gjarnan í ljósakrónum. Magnúsi var margoft snúið við, en það var eins og við manninn mælt, hann fór alltaf á haus aftur.

               Magnús eignaðist aldrei börn en var einstaklega flinkur í lóðréttu 69.

af rúgbrauði og list

"Ég ætla að fá 7 rúgbrauðsstykki, takk!"
"Ertu galinn? Ég sel þér ekki 7 rúgbrauðstykki!"
"Hví ekki? Þykist þú geta stjórnað því hvað ég kaupi? Ég hef frelsi til að kaupa 7 þúsund rúgbrauðstykki ef mér sýnist. Seldu mér rúgbrauðið ef þú vilt ekki hljóta verra af!"
"Nei!"
"Jú!"
"Nei!"
"Júú!"
"Nei, þú ert galinn!"
"Af hverju segir þú það fasistinn þinn? Fasisti! Segi það og skrifa það!"
"Þetta er listagallerý! Við seljum ekki rúgbrauð, og hvað þá 7 stykki!"
"Ó... eru þetta listaverk? Ég hélt að þetta væru rúgbrauð!"
"Nei, þetta eru sjálfsmyndir af listamanninum... hann er sko hnakki"
"Já... hann er ekkert svo ósvipaður rúgbrauði í framan..."
"Nei... það er alveg rétt hjá þér..."

Ekki beint Vanilla Ice

Fólk spyr mig spurninga um lífið.
Flestar spurningarnar byrja á:
Af hverju, hvernig og hvað.
Og ég segi:
"Þetta eru algengustu orðin í ljóðaskrifum unglinga".
Svo horfum við saman á þetta myndband:

http://www.youtube.com/watch?v=lWWKBY7gx_0


Þetta myndband kemst þó nærri því að vera Vanilla Ice, kick it!

http://www.youtube.com/watch?v=Acb5205wCS8


Þetta er... Tim Tim Canterbury, The Canterbury Tales, Chaucer... and Shakespeare. Eftir mikla umhugsun, uppáhalds atriðið mitt úr the Office.